講起作家朱自清，好多人可能剩係記得佢係著名課文《背影》嘅作者，但其實除咗文章寫得出色之外，佢亦係個有氣節嘅作家。當年為咗抗議美國嘅扶日政策，朱自清寧願自己辛苦啲，都唔肯買比較平嘅美國援助麵粉。

1948年，美國扶植日本經濟惹嚟中國不滿，為咗抗議美國嘅扶日政策，朱自清拒絕喺領取美援麵粉宣言上簽名。但其實，朱自清當時雖然係人工比較高嘅資深教授，但國民黨政府成日都出少糧，加上通脹，朱自清份人工唔算好夠用，所以佢要靠多寫文章幫補。而且朱自清嘅仔女多，佢自己又有長期胃病，屋企開支相當大。可以話，如果朱自清肯接受美援麵粉，負擔將會細好多。

朱自清拒絕領取美援麵粉不特止，仲喺《抗議美國扶日政策並拒絕領取美援麵粉宣言》度簽名，叫自己個仔退返麵粉配給證。同年8月，朱自清病重，臨死前亦千叮萬囑家人千祈唔好買美援麵粉。