上次阿史介紹咗美國一位婦人响上世紀三十年代將中國國寶熊貓運到去美國，之後賣俾動物園。其實响以往唔止動物，美國人連人都可以拎嚟放响動物園度展覽，真係無人性。
响19世紀末20世紀初，一班嚟自歐美嘅白人就响世界各地搜集世界各地唔同嘅人種，响佢哋白人至上嘅眼光當中，好多非洲、亞洲、美洲等地土著同野獸無異，所以就將佢哋帶返歐美，然後响「人類動物園」以圈養方式，向遊客進行展示。好似响美國，响十九世紀末開始响亞洲地區作勢力擴張，於是有啲商人就將南太平洋島嶼、東南亞等地嘅土著帶返美國做展覽，要佢哋响一個定期範圍內展示自己嘅生活模式。啲美國人見到佢哋自然覺得新奇有趣，甚至覺得佢哋同野獸無異。最慘嘅係，呢啲被人捉咗去美國住响人類動物園嘅各地土著，無家可歸，想走都走唔到，只能持續咁不斷「表演」。記得有段事蹟係，有三個愛斯基摩人被探險家遊說，帶咗佢哋去美國，佢哋以為係去遊覽旅遊，點知就被人放响動物園到展出，仲要因唔適應環境而染病去世，慘不忍睹。
原圖嚟自網絡