聽到尾音超長嘅「開鍘」，唔駛問阿貴都知道係播緊咩劇。話說九十年代無線播出《包青天》，套劇由台灣演員金超群同埋何家勁等主演，吸引到大批觀眾收睇。為咗整廣東話版，自不然要搵人配音，講起配音員，大家可能第一時間諗起「叮噹」嘅林保全，其實令觀眾親切感十足嘅，仲有幫包拯配音嘅源家祥。

源家祥1979年加入無線，林保全話對方擅長為長輩角色配音，除咗包公，《櫻桃小丸子》嘅爺爺、《大長今》奸角吳兼護，仲有《龍珠》嘅貓仙人、《哈姆太郎》嘅烏龍爺爺等，都係由源家祥配音㗎。可惜嘅係，源家祥喺2008年11月5日因為心臟病逝世，終年68歲。