人命，豈能當作兒戲？提起南京大屠殺，日軍少尉野田毅同向井明敏於「百人斬比賽」中殺害多條人命嘅惡行，令人極為髮指。 

日軍响1937年11月進攻南京期間，向井同野田居然用殺人多寡嚟輸賭，以先殺死100個中國人為贏。後嚟12月相遇時，向井斬殺咗106人，野田則斬殺105人，兩人奪去超過二百條人命，竟然毫無悔意，仲話再比賽鬥快殺多150人，行為極度冷血兇殘。當時《東京日日新聞》，即係依家嘅《每日新聞》連續刊登現場報道，記載野田同向井响無錫、常州、南京紫金山等地殺害過百人嘅過程，內容唔單止講述佢哋嘅殺人過程，仲有相為證。

戰後，戰犯向井同野田被引渡返中國，1947年12月，京軍事法庭判決野田同向井犯下戰爭罪，於1948年1月槍決兩人。

圖片嚟自網絡。