呢排新聞話中央政府宣布，支持深圳建設「中國特色社會主義先行示範區」。講起深圳，中國海軍就有一艘以「深圳」命名嘅導彈驅逐艦，呢艘艦仲被譽為「神州第一艦」添！喺18年前嘅今日，呢艘「深圳」號導彈驅逐艦聯同豐倉號綜合補給船，由上海起航前往德國、英國、法國和意大利等地訪問，係首次有中國自行設計嘅現代化戰艦訪問歐洲大陸。

「深圳」號導彈驅逐艦長154米、寬17.1米，喺1997年10月下水、1999年2月服役，係中國第一艘自行研製配備聯合機動編隊指揮系統嘅導彈驅逐艦。「深圳」號導彈驅逐艦執行過多次任務，包括亞丁灣護航、重大聯演聯訓、遠海戰備巡邏等等超過40項重要任務，仲歷史性訪問歐洲、非洲同日本，多年嚟去勻四大洋、五大洲。

原圖取自網絡。