位於尖沙咀天星碼頭嘅文化中心已經開幕29年，一直係本港嘅地標，嚟自世界各地嘅無數著名藝術家，都曾經喺呢度舉辦過音樂會、歌劇、話劇、音樂劇、電影等，為廣大藝術愛好者帶嚟一場又一場視聽盛宴。唔講唔知，原嚟已故英國戴安娜王妃曾經嚟香港為文化中心揭幕。佢當時同埋老公、英國王儲查理斯到訪香港，喺1989年11月8號齊齊主持文化中心揭幕儀式，當晚佢哋仲喺文化中心嘅音樂廳欣賞英國巴赫合唱團演出添。

圖為查理斯夫婦主持揭幕儀式。網上圖片。