近排同事食飯嗰陣唔知傾開乜嘢，講起「食碗面，反碗底」，跟住秘書妹妹就搭嗲「乜唔係『食碗麵，反碗底』咩？」跟住大家都忍唔住笑咗，話好地地食緊碗麵，點解要反轉碗底呢？好唔合邏輯囉。

其實「食碗面，反碗底」嚟自粵語片演員吳楚帆主演嘅《香港屋簷下》嘅經典對白，「碗面」即係「碗口」，係裝住食物嘅地方，「食碗面」嘅意思係享受人哋給予嘅好處。而「反碗底」通常喺祭祀嘅做法，將碗反轉倒啲飯出嚟，暗示對方已經離世，所以對住人哋反碗底又有想對方死嘅意思喺裡面。成句「食碗面，反碗底」嘅意思就係一邊享受住人哋嘅好處，一邊又想人哋死，通常用嚟形容人忘恩負義、恩將仇報。

圖為《香港屋簷下》劇照，原圖嚟自網絡。