周恩來因病逝世 享年78歲

喺1976年1月8日，前國務院總理、前全國政協主席周恩來因病喺北京逝世，終年78歲。

周恩來出生喺1898年嘅江蘇淮安，係中國早期重要嘅黨、政、軍主要領導人，早年曾經去過學日本、法國、德國、英國等地留學，返到中國之後就擔任黃埔軍校政治部副主任、主任，參與國共內戰、抗日戰爭，而喺戰後佢就出任過政務院總理、國務院總理、全國政協主席等，對於佢嘅評價，官方就指佢係「「偉大的馬克思主義者，偉大的無產階級革命家、政治家、軍事家、外交家，黨和國家主要領導人之一」。

由於周恩來一生都勤奮工作，厲行節儉，喺社會上亦都有好高嘅聲望，被稱為「人民的好總理」。而喺佢死後嘅1月15日，靈車經過天安門廣場，百萬首都群眾聚集喺長安街道路兩邊，自發組織悼念周恩來，亦即係「十里長街送總理」。