今日係3月5日，除咗係第十四屆全國人民代表大會一次會議開幕嘅大日子以外，其實今日更加係已故總理周恩來先生誕辰嘅大日子。
周恩來1898年3月5日出生喺清朝末年，早年就喺家中接受私塾接受教育，母親因病早逝後，佢就同伯父離開江蘇故居，北上東北地區鐵嶺、瀋陽等地求學。而喺1913年起，佢就去過南開大學讀書以至日本、法國、德國、英國等地留學，就喺呢段時期成為為旅法共產主義小組和中國少年共產黨骨幹。而喺周恩來回國後，佢就積極參與國共內戰、長征、抗日戰爭等等，喺多場戰役以及重大事件當中都有住舉足輕重嘅角色。
而喺新中國成立後，佢就先後歷任中央人民政府政務院總理、中華人民共和國國務院總理、全國政協主席、中共中央副主席等，直至1976年1月逝世。期間佢更加主持過「一五計劃」、「兩彈一星」工程，係被稱為「人民好總理」嘅一位人物。喺中國共產黨及中國政府對周恩來官方評價中，就指出佢係「偉大的馬克思主義者，偉大的無產階級革命家、政治家、軍事家、外交家，黨和國家主要領導人之一，中國人民解放軍主要創建人之一，中華人民共和國的開國元勛，是以毛澤東同志為核心的黨的第一代中央領導集體的重要成員。」
為咗紀念呢位重要人物，每年嘅3月5日就被定為「周恩來誕辰紀念日」，而今年更加係第125周年，全國各地仍然有唔少活動紀念呢位人物。
原圖嚟自網絡