最近又聖誕又新年，真係日日都有飯局。不過好似都係食西餐多，結果早兩日有一餐食早餐，仲有燒味，食埋好耐無食嘅燒乳鴿。唔知係咪耐無食，又好鬼好味。

講到食乳鴿，响廣東最出名就一定係中山石岐乳鴿，唔知史友們知唔知，原來石岐乳鴿同華僑係有關。中山台山新會一帶都係華僑之鄉，據《中山市志》記載，就話响1915年，有中山籍華僑從國外引進咗優良嘅鴿種「白羽王鴿」同「賀姆鴿」，再同中山石岐嘅優良鴿雜交。後嚟又有華僑從日本帶咗「欽麻鴿」到中山。响上世紀三十年代，血統優良且適合廣東珠三角飼養嘅「石岐乳鴿」就培育成功喇！

原圖嚟自網絡