近排俄羅斯同埋烏克蘭之間爆發嘅衝突絕對係全球關注嘅事，戰爭從來都係殘酷，既然發生咗亦都只可以希望呢件事最後可以有個和平嘅收場。而提起俄羅斯同埋烏克蘭，其實網絡上都有唔少人提起以往嘅烏黑蘭其實係好風光，甚至仲係一個核武大國，阿史今次就同大家講一講啦！
其實烏克蘭喺地理位置上有唔少得天獨厚嘅條件，就好似烏克蘭坐擁190萬平方公里嘅黑土地，呢個數量唔單止係世界排名第一，甚至仲多過中國東北三省加起嚟嘅黑土地面積，足以令佢哋成為「歐洲糧倉」；與此同時，烏克蘭境內仲發現到有八十幾種礦產資源，唔少貴金屬更加係芯片原料，再加上優質煤炭、天然氣等等資源，其實烏克蘭真係冇得輸！所以喺前蘇聯時期，烏克蘭其實係相當發達，甚至仲係前蘇聯當中最富裕嘅加盟共和國。當時嘅烏克蘭其實唔單止係經濟發達，就連軍事實力都唔簡單！當時烏克蘭嘅軍事實力係拍得住前蘇聯，所以後來先至可以拒絕俄羅斯總統葉利欽邀請而決定獨立建國，而佢亦都喺前蘇聯軍備當中分到過千枚核武，一時之間仲成為世界第三大核武國家。
有齊經濟同埋軍事實力，照理烏克蘭唔會發展得太差，之不過後來烏克蘭政府選擇放棄核武而換取西方經濟支援，但呢點最後都成咗空頭支票；再加上國內嘅財閥寡頭不斷倒賣國內天然資源，令到國內經濟、工業不進反退，本來擁有一手好牌嘅烏克蘭就咁成為歐洲最窮困嘅國家之一。
原圖嚟自網絡