早兩就同史友們介紹咗世上最慘嘅太空人克里卡廖夫被遺忘咗喺太空足足331日，而佢升空之前嘅國籍原本就係前蘇聯，但期間蘇聯解體之後佢嘅國籍就變成俄羅斯，咁呢位太空人到底最後點落返地球呢？今次阿史就同大家講一講啦！
其實按照原定安排，呢位太空人係喺1991年5月18日到「和平號」空間站開展工作，本身係打算同另一位太空人沃爾科夫工作百幾日就可以重返地球，但點知要去到1992年3月17日先至得到地面幫助，到底點解會咁耐呢？
原來蘇聯解體之後，「和平號」空間站就係由俄羅斯繼承，而負責發射火箭嘅拜科努爾航太發射場其實就位於哈薩克境內。而當時其實俄羅斯經濟並唔好，而哈薩克亦都唔會免費幫手發射火箭，所以俄羅斯只好出售聯盟號座位籌措資金。最終，奧地利、日本、哈薩克都出錢買咗座位，但呢次由於只係得四個座位，所以只係接咗另一位蘇聯太空人沃爾科夫返嚟。
直到1992年3月17日，被逼繼續任務嘅克里卡廖夫就乘坐聯盟TM-13號飛船返回地球，足足喺太空停留咗311日，真係相當可憐！
原圖嚟自網絡