最近重新通關消息不斷傳出，連關閉多時嘅福田口岸都開晒燈，似乎真係會有好消息傳嚟，相信史友們都期待已久。
深圳福田口岸於2004年12月動工建設，2007年8月15日開通運營，响疫情之前一直都係香港居民往來深圳其中一個重要口岸，坐鐵路去福田區變得相當方便。除此以外，福田口岸都有巴士往返元朗一帶，但原來呢啲巴士路線最初並唔响規劃當中。原來按原先特區政府規劃，落馬洲站同福田口岸啟用後，只係容許旅客經鐵路駁落馬洲站過境，但後嚟經多名立法會議員爭取下，特區政府作出調整，容許旅客以鐵路以外嘅公共運輸工具接駁至落馬洲站過境。
至於深圳個邊其實都有類似情況，响福田口岸開通初期內地有關當局本身只係諗住以深圳地鐵為主要接駁交通工具，仲禁止的士進入口岸範圍接載乘客。不過後嚟情況唔理想，最終就响離車站遠少少嘅距離開通的士站。
原圖嚟自網絡