中國改革開放大家聽得多，但唔講唔知原來今年已經係四十週年，又唔講大家更加唔知，原來1988年今日，係國家土地使用改革嘅起步點。
1988年3月22日，上海率先宣布「有償出讓」土地使用權，首幅成功批出嘅土地，正正位於上海市虹橋經濟技術開發區，即係今日嘅上海太陽廣場。呢個係中國「有償出讓」土地使用權嘅開端，先唔講其他城市，剩係上海今日發展到幾繁華，就知呢個日子係值得紀念嘅。