扶手電梯呢樣嘢可以話係香港人生活嘅一部分，有咗佢真係行少好多路，特別係搭地鐵個陣要你行幾層樓梯都真係幾攞命。咁史友們又知唔知，香港第一部扶手電梯係幾時出現呢？

扶手電梯係响十九世紀末發明，係未來主義建築嘅產物。而响上世紀三十年代，扶手電梯就响上海出現，係當時大新百貨裡內嘅設施。咁香港係幾時有扶手電梯出現呢？就係1957年喇！當年位於中環嘅萬宜大廈建成，裡面就設有香港第一部扶手電梯，而呢部扶手電梯就係由著名電梯工廠奧的斯建造，當時呢部扶手電梯相當轟動，唔少市民特登去「朝聖」搭下扶手電梯。所以話，响扶手電梯遊嚟遊去都唔係細路嘅專利。

原圖：mhh.com.hk、網絡