香港學生著校服始於何時？

最近有史友留言俾阿史，話想知香港學生校服嘅歷史，阿史搵到呢方面嘅資料唔算好多，不過都好簡單咁講講。

响十九世紀個陣，香港教育體制其實係有兩種主流學校，一種係同清廷科舉制度銜接嘅私塾，另一種係殖民地政府或教會創立嘅西式學校，而今時今日中小學校服就係從西式學校而嚟，據講當時嘅學校對學生衣著要求就只要淨色樸素就得。而學校第一間規定學生要著指定校服嘅學校就係聖保羅女書院。

到咗二戰後，香港人口增加，政府同辦學團體不斷開辦學校，為咗識別同對學生作一個有效管理，於是各間學校就有咗各自嘅校服，又仲加入校徽校章校呔等，咁就更容易識別學生係嚟自邊間學校。到咗六七十年代，唔少學校服校服加入時裝元素，五花八門亦成為咗香港教育一個特色。