尋日阿史就介紹咗「天上雷公地下舅公」呢個講法，記得响讀緊大學個時去潮汕一帶旅遊時，導遊就講過一句話：「天上雷公，地下海陸豐。」嘩！乜嘢嚟架？
關於呢個講法嘅由來就有唔少版本，當中最得體嘅講法就係因海陸豐人抗擊倭寇而得嚟。相傳响明朝嘉靖年間，倭寇肆虐東南沿海一帶，不過海陸豐人夠晒英勇，唔怕犧牲，結果擊退過倭寇，仲獲得皇帝讚譽話「有如春雷貫耳，海豐也。」後嚟就慢慢講成「天上雷公，地下海陸豐。」形容佢哋夠晒猛。不過，亦有唔少人覺得海陸豐一帶地方民風強悍，啲男人個個都好惡，所以有人就話天上最惡嘅神係雷公，天下最惡最狠嘅人就係嚟自海陸豐。當然！呢個講法自然唔多得到當地人所認同。
原圖嚟自網絡