中國沿海一帶包括港澳台地區在內，拜天后（即媽祖）文化非常盛行，而响廣東嘅南沙更有「天下第一天后宮」坐鎮，呢個天后宮更係全東南亞最大。南沙有個咁大嘅天后宮，除咗同漁民信仰有關外，同古代海上絲綢之路都有好大關係。
早响唐宋時期，中國東南方嘅海上對外貿易開始興起，到宋代由於北方陸路貿易渠道受阻，令海上絲綢之路發展得更厲害。而到咗明代時，基本上大部分時間都係實施海禁，唯獨廣州係海路對外貿易嘅港口，而南沙呢個珠江出海口就係廣州呢個始發港同終點港嘅必經之地，响每年某幾個月匯聚咗做貿易嘅商人。而响明代時期，源自福建嘅天后文化响廣東一帶盛行，而南沙天后宮嘅前身，就係始建於明代南沙鹿頸村嘅天妃廟，於是呢個地方就成為本地漁民同遠洋船員們祈求出海順利嘅場所。除咗天妃廟，廣州現存最早的天后古廟，亦都係响南沙，就係南沙塘坑村天后廟。
原圖嚟自網絡