以前阿史都介紹過响清代《新安縣志》裡面，就提及縣內有新安八景，即八個縣內嘅奇景美景。响香港講得最多就係鼇洋甘瀑同杯渡禪蹤，因為呢兩個景就係响香港。至於其他，阿史就同史友們再介紹下。
今次先介紹就係「龍穴樓台」，呢個奇景就係南沙附近一個地方出現，呢個地方叫龍穴洲。龍穴洲係响珠江口虎門水道，係依家南沙區最大嘅海島。而呢個奇景係因為龍穴洲附近海面就經常被煙霞蒸霧濃罩住，令到龍穴洲好似仙島咁若隱若現。到咗明代，每逢年初三到初五，東莞個邊嘅居民就會雲集長安鎮嘅靖康鹽場睇呢個奇景，而响清代《東莞縣志》中就有提及「海市多見於靖康場」，講緊其實就係「龍穴樓台」奇景。
原圖嚟自網絡