之前阿史都介紹咗唔少考古發現，可能史友們會覺得呢啲考古發現同大家距離有啲遠，其實就响珠江口一帶就有唔少考古發現，而且仲曾經發現過可能係最早出現嘅「廣州人」。
响2001年3月廣州市南沙鹿頸村就發現咗一個墓葬之地，响呢個墓地度就有一副完整嘅人骨同一啲隨葬陶器。呢副人骨骨架長1.65米左右，屬於男性，後嚟經分析後，發現呢副人骨係屬於商代時期嘅人，據測壽命响40歲左右。
呢次發現係迄今為止廣州地區首次出土3000多年前嘅古人骨架。人類學家根據出土嘅骨架進行研究復原，仲命名為廣州「南沙人」，亦為3000至4000年前人類响珠江口一帶地區活動提供珍貴嘅實物資料。所以話「佢」係最早嘅「廣州人」都相當合理。
原圖：gzns.gov.cn