最近內地同香港復常通關，阿史唔少內地友人嚟咗香港玩，有一個北京朋友就同阿史講嚟到香港食到嘅廣東菜同北京食嘅根本無得比，佢仲話曾經响北京食過鴨腿湯飯，但同香港所賣嘅根本唔係同一個檔次。
梗係啦！鴨腿湯飯可以算係匯聚廣東人食嘅智慧，以及將廣東嘅食材作一個完美結合。史友們可能以為呢道菜歷史悠久，但其實呢度菜出現都係一百年前左右嘅事。鴨腿湯飯其實係用冬瓜粒湯飯「進化」而成，以前香港資源貧乏，所以就有食肆創出以湯料拌飯嚟食，有餸有湯有飯抵食夾大件之餘，仲係炎夏食飯時嘅一個好選擇。後嚟為咗吸引啲俾得起錢嘅食客，於是就用料加級，加隻鴨腿就變得矜貴啲，鴨腿湯飯就係咁嚟。
至於鴨腿湯飯嘅靈魂所在，除咗鴨腿，仲有就係陳皮。陳皮係廣東三寶之一，放陳皮加入鴨腿湯當中，就可以將鴨肉嘅羶味化解。呢做食材之間嘅配合可以話又再體現廣東人食的智慧。
原圖嚟自網絡