如果史友們去過廣州比較舊嘅老區，都應該會見過當地嘅騎樓。廣州騎樓可以係老廣州嘅特色建築，當中包含特別功能，咁大家又知唔知騎樓有乜特別呢？
廣州騎樓嘅特色就係上層騎樓會伸延出嚟，令樓下嘅街成為沿街廊道，等路人有瓦遮頭，咁响落雨或者大熱天時地舖都可以做到生意。據講呢種建築風格係由馬來亞個邊傳過嚟，因為南洋一帶雨水多，所以就出現呢種有瓦遮頭嘅特色建築。二十世紀初，廣州同珠三角地區都好流行呢種建築，包括香港。講到廣州騎樓，其實响廣州就有兩種，一種係西關騎樓，出現响西關一帶，較為古典式建築風格，較為華麗。另一種係東山騎樓，出現响東山區一帶，較現代化同簡約。
廣州騎樓响以前對粵文化影響深遠，唔單止改變老廣州人嘅生活習慣，甚至連俗語受到影響。
原圖嚟自網絡