惠州呢個地方相信唔少史友都知道，阿史之前都介紹過北宋大文豪蘇東坡被貶去呢個地方幾年。講到惠州，原來呢個地方個名係同北宋皇帝宋真宗有關，大家可能奇怪，一個咁偏遠地方點會同皇帝有關呢？
惠州呢個地方，早响春秋時期已經有人聚居，而且仲係小國縛婁嘅領土，到咗秦代就納入南海郡管轄，為博羅縣。到咗隋唐時期稱為循州，五代南漢時就易名為禎州。不過，禎州呢個地名到咗北宋時就有所改變。响北宋宋真宗天禧年間，因為避諱太子趙禎關係，於是禎州改名為惠州，惠州呢個地名就稱呼至今。講多少少，原來响清代惠州係一個商埠，响光緒二十八年中英商約訂開有惠州商埠。
原圖嚟自網絡