廣州呢個城市開城有成二千年，作為中國歷史上其中一個古城，唔少人都可能會問廣州以前會唔會好似其他城市一樣有城牆呢？答案係：有。
早响秦代，响依家廣州已經有一定規模嘅古城發展程度，無論係任囂城抑或趙佗城都有相當規模嘅城牆同城門。到咗唐代，由於廣州已經係一個對外貿易重鎮，所以廣州城規模已經相當之大，而宋代就再擴充範圍，分為中、東、西三城，到咗明清時期，廣州城範圍已經發展到今時今日廣州市珠江北岸，共有18座城門，最北位置就係越秀山鎮海樓。不過，廣州城古城牆就响民國初期陸續消失。响1912年，當時廣東都督陳炯明將廣州城嘅騎樓正式列為城市管理條例之中。1918年，廣州就開始拆除城牆同大量西關樓房，鼓勵興建騎樓，取代城牆嘅就係幾十公里長嘅騎樓街。
好彩嘅係，廣州古城牆今時今日仲有一少部分保留住，就係越秀公園鎮海樓一帶仲有城牆同城門响度，史友們下次去廣州不妨去睇下。
原圖嚟自網絡