【廣東講西】昔日廣東樂壇興盛黃渤都赴粵追夢？
如果史友們好記性嘅話，都應該會記得阿史介紹過八九十年代果陣廣東省係內地音樂最興盛嘅地方，當時好多內地著名歌手都係响廣東先成名再風靡全國，當年亦有好多年輕人到廣東追夢，內地著名藝人黃渤就係其中一位。
今時今日黃渤响內地名氣相當大，可以話係內地一線巨星，但近年佢就被網民發現，原來當年佢曾經係一個歌手。出身於青島嘅黃渤，响少年時期就組織樂隊响當地酒吧駐唱。為咗實現歌手之夢，於是佢就去咗廣州，由於廣州係當時內地經濟同流行文化最發達嘅地區之一，黃渤同好年輕人一樣到廣東發展，佢更趕上九十年代內地唱片業嘅大浪潮，同一間廣州唱片製作公司簽約，有網民計返時間佢出道時間就同金童玉女毛寧、楊鈺瑩同期。之不過，佢就無佢哋咁好彩，最後都係無打響名堂。
有唔少網民見到黃渤當年做歌手時嘅造型照，都慨歎當年廣東的確係全國年輕人追夢之地，不過就唔係個個都能成功。
原圖嚟自網絡