最近睇返大台《金玉滿堂》，其中一個情節就係話有個權臣得到一條鱘魚，歐陽震華演嘅戴東官就用盡方法將佢成為人間美食。當然！戲就咁做，但現實中中華鱘係國家一級保護生物，係無可能當作食用。
講到中華鱘，史友們第一個印象就會認為係長江獨有物種，但原來鄰近香港嘅珠江，都曾經有中華鱘。資料顯示，响1834年，一名英國人响珠江流域採集到世界上第一個中華鱘標本，不過當時就仲未有中華鱘呢個概念。而响1996年，喺珠江流域武宣二塘江段河道整治炸礁過程中，就有一條重250公斤嘅中華鱘被炸死，事後被製成標本放响廣西水產研究所，後嚟珠江都曾經有幾次發現中華鱘嘅通報。而近年，有珠江漁民就捉到雜交鱘，專家估計係中華鱘同鰉魚雜交而成，雖然唔敢肯定係咪野生，不過就證明咗珠江河道環境係適合鱘魚生活。
原圖嚟自網絡