1932年發生嘅一‧二八事變，係中國抗日戰爭當中其中一次重要事件。而為咗紀念呢次淞滬抗戰，响廣州市天河區就有一個紀念陵園同紀念碑。明明淞滬抗戰發生响上海一帶，點解個紀念碑就會响廣州呢？
其實，箇中原因係同十九路軍有關。响1932年1月，响上海嘅日本人藉故搞事，挑起民間衝突，繼而日本派出軍艦同海軍部隊，最終响1月28日進攻上海，史稱一‧二八事變。面對日軍進犯我國軍人奮起抗敵，雙方交戰接近三個月後，至5月5日簽訂《淞滬停戰協定》，淞滬抗戰結束。而响呢場戰役中力拒日軍嘅十九路軍，係由粵軍第六十一師同第六十師响1930年合編而成，蔣光鼐為總指揮，蔡廷鍇為軍長，部隊中嘅軍人主要係廣東人，所以响1933年，一批華僑就捐錢建成十九路軍淞滬抗日陣亡將士墳園，淞滬抗日先烈紀念碑响廣州出現亦係呢個原因。
評論：
共0 條評論