話說阿史以前一直幫襯開開中環一間涼茶店執咗,以後食龜苓膏可能又要搵過另外嘅地方喇!講到龜苓膏,好多人都以為係廣東名物,其實並唔係。
依家廣東流行嘅龜苓膏,其實係廣西梧州特產,係當地歷史悠久嘅傳統藥膳。傳統藥膳龜苓膏主要以龜板和土茯苓為原料,再配以生地、蒲公英、金銀花等藥物製成,响中醫角度有清熱解毒、滋陰補腎之效。而响古代,龜苓膏就响皇帝內奉為聖品,讓為食咗可以延年益壽。至於龜苓膏响成為古代宮廷名物,講法就有兩種。第一種講法係話龜苓膏係昔日道教方士製作嘅「長生不老藥」,因為金錢龜長壽,所以就將佢同人參、靈芝等名貴中藥材製作龜膠服用。後嚟呢種宮中名物就流傳咗落民間,經過用料嘅改變成為依家嘅龜苓膏。
至於另一個講法,就係話昔日兩廣蒼梧郡(梧州市一帶),以龜苓膏馳名,據《蒼梧郡志》記載,早响明末清初時,蒼梧郡製作售賣龜苓膏嘅店鋪便形成有一定規模嘅產業。因為出名同具有特別藥效,所以就被官員作為貢品,就咁成為宮廷內皇親貴族們喜愛之物。
至於到底係宮中流傳到民間,定民間傳入宮中呢?暫時未有一個答案。
原圖嚟自網絡