今時今日如果要喺考試作弊，就經常可以借助科技嘅力量例如電話、耳機甚至電子手錶等等嘅方式，但喺古代如果考生想要作弊，其實不外乎都係得抄寫呢種方法。之不過，古代科舉嘅考試內容範圍甚廣，到底呢啲想作弊嘅考生又有咩方法呢？
近日我國就有一項特別嘅文物發現，呢件睇落密密麻麻有黑點嘅衣服並唔係咩特色設計嘅衣服，而係一件寫咗超過四萬字嘅清朝考生作弊服。據了解，呢件衣服確實係有一名考生穿著過上試場，而通過放大鏡觀察就可以見到成件衣服上面嘅四萬幾字係有足足62篇嘅優秀文章。
可能唔少史友們第一時間會諗，啲字寫到咁細到底可以點睇呢？但其實呢件衣服真正嘅難度在於寫。成件衣服上嘅細字係通過老鼠鬚抄寫，單係一粒米就足以覆蓋到六個字，而每個字上通過放大鏡仲可以見到當中嘅筆鋒，整體嘅文章布局亦都相當工整，呢一啲先至係真正嘅難度！
原圖嚟自網絡