粵菜，即廣東菜，一直都好受世界各地人士歡迎，而廣東菜其實仲可以分好多細嘅菜系，其中一個好出色嘅就係順德菜。不過大家有無發現，順德菜有幾道好出色嘅菜色好似大良炒鮮奶、姜撞奶、雙皮奶等都同奶有關，咁點會咁嘅呢？

據了解，廣東珠三角一帶，自古以來都魚米之鄉，農業一直發達，昔日順德一帶亦有唔少人務農為生，所以就有養咗唔少水牛。不過，由於後嚟耕地唔夠，水牛又多，於是就有人就通過養水牛而獲取牛奶，實行唔好嘥嘢。所以，有人就將水牛奶製作成甜品，最出色一定係雙皮奶。另外，水牛奶嘅保存時間非常短，通常只得幾個鐘頭。所以，後嚟就有人將水同鹽溝落水牛奶中，令水牛奶蛋白凝固，再用嚟製作菜餚。


不過，阿史最近睇新聞，話順德務農嘅人愈嚟愈少，未來可能出現無水牛可用嘅情況。