响香港，唔少人或者佢哋嘅袓先都係來自中山。相信大家都可能估到，中山呢個名係同孫中山先生有關，咁個故事又係點嘅呢？

其實中山呢個地名係响孫中山死後先出現，中山以前係叫香山。早於秦漢時期呢個地方已納入為中原政權控制範圍之內，唐朝時係東莞縣下嘅鎮，稱香山鎮，宋朝時為香山縣。咁點解叫香山呢？據北宋《太平寰宇記》記載，就話「地多神仙花卉，故曰香山」。


其實响民國時期，中山呢個地方好一段時間依舊係叫香山，不過孫中山响1925年去世，國民政府為咗紀念佢，於是就將香山改名為中山。所以，大家如果讀孫中山嘅生平，都係話佢來自香山翠亨村，就係咁解喇！