包青天嘅故事相信大家都耳熟能詳，不過大家應該都係知佢係開封府伊，但又知唔知佢曾經响廣東做過官呢？

肇慶古稱端州，地名始於隋，因為昔日西江稱為端水，所以依家嘅肇慶地區就叫端州。咁包青天包拯又係幾時去端州做官呢？原來佢成為開封府尹之前，先响依家揚州一帶做官，之後就南下嶺南一帶，當上端州知州。佢响知州做官，就流傳一個故事。話說端州出產一種名硯，係朝廷欽定嘅貢品。以往嘅端州知州就會上貢多加幾倍端硯數目，用嚟賄賂京城官員。但包拯上任後，除咗上貢指定嘅端硯外，就唔會送多一塊上京，因而贏得當地百姓稱許。


提起肇慶，自然就要介紹一下嶺南第一奇觀七星岩。七星岩又名星湖，有「桂林之山、杭州之水」嘅美譽，而响七星岩摩崖石刻當中，書寫者就有包拯喇！大家下次去肇慶七星岩時不妨留意下。