提起肇慶，香港人或者會諗起歷史悠久嘅裹蒸粽，有指肇慶裹蒸粽喺秦朝已經出現，當時嘅農民方便工作，就用當地嘅冬葉、水草包成呈金字塔形嘅粽，方便攜帶。

近年，肇慶亦都積極發展成高科技產業城市，唔少企業有見深圳營商成本愈來愈高，都開始將投資項目遷到包括肇慶在內嘅其他廣東省城市，就好似深圳海王集團已投資200億喺肇慶建設高端生藥醫院基地、中意集團亦計劃喺肇慶投資100億元發展智能家居研究和生產、卜龍光集團亦計劃投資150億元建設商業綜合體等等。

不過又唔奇嘅，肇慶地價、工業廠房租金等只係珠三角地區嘅66%，甚至僅33%，對投資者而言，肇慶嘅營商成本可以話係非常有優勢。再加上，肇慶亦都有交通優勢，現時由肇慶搭高鐵去深圳只需66分鐘，日後「深肇高鐵」開通後，交通時間進一步縮短到40分鐘，香港高鐵開通後，來往香港同肇慶亦只需個幾鐘，相信香港同肇慶兩個大灣區成員嘅交往肯定會更緊密同便利。