秘書妹妹最近連請咗2日病假，尋日先返工，阿史作為坐佢附近嘅同事，梗係要去關心吓。點知秘書妹妹話佢病咗成2日皆因一個壞習慣——「傅被」，哇，唔怪得會病喇！

 

講開「傅被」，正寫應該係「戽（音：富）被」，話說戽源自一種農耕用具戽斗，古代嘅戽鬥主要係將木桶兩側繫上兩條繩，兩個人各牽其中一條繩嘅一端嚟將水由低潑落農田度。而宜家常見嘅戽斗通常係用竹皮或者鐵皮整成箕型，再接一條長竹柄，用嘅時候握住竹柄，將啲水向上兜起再潑出去。呢個動作就被叫做「戽水」，因為「戽被」嘅動作又同「戽水」相似，呢個本嚟用手戽嘅動作，後嚟引申為用腳戽或者手腳並用嘅「戽被」。

 

近排天氣涼咗，各位史友千其咪學秘書妹妹咁戽被呀，凍親就唔好喇。