「大三巴，觀音像，媽閣廟景致真優美。」去過澳門玩嘅史友，除咗各大賭場之外，都應該會去過大三巴，觀音像同媽閣廟。媽閣廟係澳門現存廟宇中最古老嘅廟宇，咁即係有幾古老呢？

對於媽閣廟幾時响澳門出現，至今仍未有定論。不過，按學者們研究早响明朝時澳門已經有媽閣廟。而响廟內就有一個神山第一殿，呢個殿創建於明朝萬曆三十三年即公元1605年，用嚟供奉天后，係澳門現存廟宇中有實物可考嘅最古老廟宇。

媽閣廟對於澳門而言有幾重要呢？除咗係澳門華人一個重要宗教場所外，相傳澳門呢個名都係由此得嚟。相傳，葡萄牙人嚟到澳門後，見到澳門華人個個都拜媽袓，Macau就係由「媽」演化過嚟。至於係咪真？信不信由你。不過，另一個講法始終係到肉啲。