上星期講話男同事滿心歡喜以為秘書去燒嘢食，點知臨時甩底。有史友就估阿史今個星期會講「甩底」呢句俗語，咁好啦！講下啦！

甩底呢個俗語，依家通常都係話人約咗但唔出現，但其實甩底本身仲有深層啲嘅意義。先講講甩底嘅由來，甩底係源於瓦煲，相信有入廚嘅史友都會知道，有啲瓦煲會因為小小裂痕，再加熱之後用用下有機會成個底甩咗出嚟，咁一煲靚粥或靚湯就咁無咗，嘥料至極。因此，啲人就會以甩底嚟形容一人或事唔可靠。至於約咗但唔出現叫甩底，就應該係話人爽約唔可靠而嚟。


講返轉頭，秘書個次甩底，返工之後走去同男同事講唔好意思，男同事俾佢氹兩氹好似又無事。