有冇史友同阿史一樣，去親澳門都一定要去食返個豬扒包，如果唔食，就好似冇去過澳門咁呢？襯住早幾日放假，阿史同兩個死黨過咗澳門玩，阿史係都要拉埋佢地過氹仔食個新鮮出爐嘅豬扒包先肯走。

啱整好嘅豬扒包熱辣辣、脆卜卜，麵包外脆內軟，豬扒又JUICY又彈牙，咬落去啖啖都係肉，大滿足啊！

正宗豬扒包係用豬仔包嚟夾住塊豬扒嘅，如果想試吓新嘢，可以揀菠蘿包或者餐包，中間塊豬扒又可以揀吉列嘅，味道都唔錯。不過阿史都係中意食正宗果隻多啲，貪佢有「那些年」嘅味道。