魚腐，配米線就最FIT！

魚腐大家就食得多，唔知大家有無聽講過關於佢點嚟嘅一個傳說呢？話說响清代乾隆年間，廣東羅定雙龍村有對兄妹，兩兄妹都煮得一手好餸。有一晚，哥哥夢到濟公，濟公响個山崖度捉實條魚，然之後好似變魔術咁一粒粒丸仔喺佢手裏面飛去個鍋度，散發出陣陣清香。

第二朝早哥哥將呢個夢話俾妹妹知，於是乎聰明嘅妹妹就叫哥哥將啲魚去骨起肉，剁碎攪勻，好似濟公咁擠出一粒粒魚丸擺落個鍋度炸，炸出嚟一試，果然鮮甜甘香，仲幾彈牙有嚼口添。

仲有一種說法話魚腐係順德樂從原創嘅，邊度原創都好啦，總之好食咪得囉。