「革命尚未成功，同志仍須努力！」今日係中國革命家孫中山先生93周年死忌。

孫中山生於1866年11月12日，清末期間投身革命事業，1894年建立興中會，1905年改組成同盟會。辛亥革命之後，佢响1912年出任中華民國臨時大總統，但之後就被排除於國民政府之外。响二次革命、護國運動失敗後，孫中山於1919年改組中華革命黨，成立中國國民黨，以廣東為根據地。後嚟實行聯俄容共政策，創立黃埔軍校。可惜，孫中山响1925年3月12日响北京病逝，終年59歲。