如果史友們有留意開近年嘅全運會，都應該會發現每屆舉辦嘅地點都係唔同嘅，就好似第十一屆就喺山東舉行、第十二屆就去到遼寧、第十三屆就喺天津舉行。但唔知史友們又知唔知，其實早年四屆全運會全部都喺同一個地方舉行，呢個地方就係北京喇！

由1959年嚟到2021年，我國就一共舉辦十四次全運會，62年嚟全運會亦都見證住中國體壇嘅成長，而全運會本身亦都係中國嘅一個成長故事。頭四屆嘅全運會全部都係喺北京舉行，原因其實主要都係有幾個，第一就係因為喺京城舉辦全運會可以向全國、甚至世界展示到我哋首都經濟同埋社會發展嘅成果；而其次就係一個現實問題，喺建國初年，除咗北京之外，其他嘅省市都仲未具備舉辦全運會嘅條件，咁所以四屆全運會都喺北京舉行。

咁時間去到80年代初，隨住全國嘅體育設施水平同埋人民對體育項目嘅熱情不斷提高之下，全運會亦都正式「走出」北京。喺1983年，第五屆全運會就喺上海上演、其後甚至已經移師到廣東、四川、山東等地，呢啲轉變亦都係反映國力嘅不斷加強，絕對係一個好消息。

原圖嚟自網絡