有啲發明係誤打誤撞之下誕生，但有啲發明嘅靈感就係來自發明者良好嘅觀察力，就好似微波爐咁。

微波爐係由史賓賽（Percy Spencer）喺1940年代中發明嘅，當時佢喺美國雷神公司（Raytheon）做工程師，負責製造雷達設備嘅磁控電子管。有一次，史賓賽測試緊新磁控電子管嘅時候，發現自己袋入面嘅糖竟然融咗，於是佢估計同磁控電子管入面發出嘅微波有關。之後佢就用粟米同雞蛋再試，結果粟米同雞蛋都爆開咗，令佢相信微波可以令物體發熱，從而整熟啲食物。

史賓賽同雷神公司公司合作研製用微波煮食嘅爐（即係微波爐），喺1947年正式推出第一部微波爐，但當時微波爐成本太高、壽命短，所以都只係局限於商業用途，喺火車、輪船上使用。到咗1965年，史賓賽同另一位工程師福斯特大膽改造微波爐，設計咗一款較平、較耐用嘅微波爐，結果大受歡迎。

圖片為史賓賽，取自網絡。