唔少香港人除夕同新年會上街慶祝。1992年12月31日嘅除夕夜，大約有兩萬個香港市民同遊客到蘭桂坊玩返晚，倒數時成班人high爆，有人噴罐裝綵帶、噴啤酒汽水，部份外籍人士仲掟酒樽甚至飛磚，引發混亂，現場人士爭相走避，場面失控。

踏入1993年只有短短十分鐘，有市民走避時跌低，而後面嘅人唔知頭唔知路繼續往前，搞到越嚟越多人好似骨牌咁倒下，加上仍然有大批人湧到蘭桂坊，啲人開始互相踐踏，有人甚至被四層人疊住。慘劇最終造成21人死亡63人受傷，成為香港開埠以來最多人喪生嘅人踩人慘劇。自此之後，大家去到人多嘅地方，都切記小心至上，唔好樂極忘形。

圖片嚟自網絡。