一代武術宗師黃飛鴻嘅弟子眾多，出名嘅例如「豬肉榮」林世榮、梁寬等，其實仲有唔少猛人，包括「西關老虎」鄧芳。

鄧芳係佛山人，細細個跟爸爸學武術同醫術，據講曾經拜於黃飛鴻徒弟林世榮門下學拳，之後帶師學藝，跟黃飛鴻學拳同埋跌打醫術，之後佢於廣州西關開設武館「義勇堂」授徒，連師母莫桂蘭都做過助教。至於「西關老虎」嘅稱號點嚟，根據後人嘅講法，話係鄧芳憑住於响廣州財神廟擊敗爭奪頭炮嘅錦綸堂，以及同林世榮等人於樂善戲院困獸打鬥兩場戰役而聲名大噪，先贏得依個咁威風嘅綽號。

鄧芳1948年到咗香港，傳授拳術同舞獅，收咗唔少徒弟，漸漸發展成香港其中一個洪拳主流。早年佢嘅傳人仲將鄧芳舊時練洪拳「水浪拋拳」張相嘅複製品送畀佛山黃飛鴻紀念館，張相有咩咁勁揪？之唔係鄧芳唯一一張留低嘅拳照囉。

圖入面張相先係鄧芳。圖片嚟自網絡。