末代皇帝溥儀雖然於1912年頒布退位詔書,但依然住响紫禁城,錦衣玉食嘅生活並無太大改變,一年仲有成四百萬兩洗費。十年後溥儀大婚,迎娶婉容為「后」,成個婚禮據講用咗四十萬,足夠十萬戶人食一個月。不過情況喺1924年發生轉變。
當年嘅11月5日上晝,溥儀同婉容食緊生果,突然有人來報,遞上馮玉祥廢除清室優待條件、限令溥儀三粒鐘內搬出紫禁城嘅信函。溥儀當日召開最後一次「御前會議」,經過一輪商討同權衡,只能夠交出玉璽,執埋包袱,遣散宮女太監,於被監護嘅情況下離開紫禁城,移居醇王府。宮女太監出宮前,會有士兵檢查行李,避免佢哋偷運啲珍寶出去。而紫禁城嘅主人,從此唔再係皇帝。
圖片嚟自網絡。
評論:
共0 條評論