香港好多人平時間中都會食下龜苓膏，清下熱、解下毒咁。之不過，原來龜苓膏嘅歷史話長唔長、話短唔短，大概有150年歷史咗右。
話說當時清朝同治皇帝患咗啲病，當時嘅太醫嚴綺文聯同佢爸爸研發咗藥製龜苓膏俾同治皇帝治病，起初都有所好轉，但慈禧太后就突然深信巫醫，嚴綺文想避開宮廷鬥爭，於是就辭官告老歸田，遠走南方。
但係佢用龜苓膏醫治同治皇帝嘅事，已經流傳開去，於是就成為清庭貴族嘅藥膳珍品，同時佢遠走南方，醫治平民，亦都令龜苓膏喺廣東、廣西流傳開去。嚴綺文嘅後人嚴其昌之後亦嚟到香港開鋪行醫，將龜苓膏帶到香港。