「阿群帶路圖」講啲乜？

喺香港開埠之後，當時嘅港府就製定咗一個標誌，除咗應用喺香港公印上，後來都出現喺香港旗旗章，而呢個標誌就係「阿群帶路圖」。

「阿群帶路圖」圖入面嘅背景係港島北岸，一片嘅海港就即係維港，而上面就分別有一艘懸掛黃龍旗嘅中國帆船同埋一艘懸掛紅船旗嘅英國商船，遠處仲可以睇到九龍半島。而呢幅圖嘅重點唔單止係個背景，仲有當中嘅人物。喺岸上面就有兩位象徵華商同埋一位英商喺度傾生意。

咁到底呢個景象點解會叫做「阿群帶路圖」？相傳喺英軍登陸香港島赤柱果陣，就得到一位叫做阿群嘅漁婦指路由淺水灣道經香島道、石排灣道去到西營盤「群帶路」一帶，而呢件事就叫做「阿群帶路」。亦都有另一個講法，話係因為英軍經過香港果陣，阿群用水上人蜑音回答「香港」令到英國人以及係「HONG KONG」，所以就用呢個地名命名全島。