寶雲道有座「21孔拱劵橋」

喺寶雲道上面，除咗有塊維多利亞城界碑之外，其實仲有一樣好有歷史價值嘅法定古蹟，只係史友們如果喺上面行緊，未必會發現到呢座「21孔拱劵橋」。

寶雲就係1888年落成，橋上唔少部分都係以棧道嘅形式連接，而底下就以英式橋墩支撐，再鋪設咗水管。由於早年薄扶林水塘嘅食水唔夠用，當局就只好將食用水由港島嘅大潭水塘送到去中環嘅雅寶利谷儲水庫。

呢段全長5分里嘅水利工程所在嘅地方就係寶雲道輸水道，輸水道上面有成98個孔拱，其中仲有一段相連21孔拱劵橋，喺2009年9月18日就被列為法定古蹟。