末代皇帝溥儀嘅外籍帝師—莊士敦

提到早年香港開埠嘅歷史，都會出一個人嘅名，就係莊士敦。莊士敦曾經喺港府任職過，但去到1906年就先去過山東嘅英國租借地威海衛，去到1919年溥儀復辟失敗之後，佢就經推薦入埋紫禁城擔任末代皇帝溥儀嘅外籍帝師。

莊士敦係英國人，喺愛丁堡大學同埋牛津大學畢業，但佢唔單止教溥儀英文，仲教埋數學、地理、世界歷史。莊士敦同溥儀感情深厚，曾經教過溥儀喺紫禁城內踩單車，講到最經典嘅一件趣事，就真係教打電話。據講當年莊士敦教過溥儀打電話，而第一位接到末代皇帝溥儀嘅，就係北大教授胡適，當時胡適真係畀呢個電話嚇親。

而去到1927年，莊士敦就去返做威海衛總督，直到1930年10月1日威海衛歸還中國，莊士敦離開中國返到英國，1938年喺愛丁堡去世，享年64歲。