尋日講港府動用土地基金打救國泰航空時，介紹咗土地基金嘅由來。咁今日阿史就想介紹國泰呢間公司....個名。

國泰呢個名又有乜好介紹呢？先講講呢間公司嘅歷史先。國泰航空係由美國人Roy Farrell同澳洲人Sydney de Kantzow响1946年創立。呢間航空公司最初係以上海為基地，不過無幾耐就以香港為基地，專門提供由澳洲飛往中國嘅空中貨運服務。而呢間公司個英文名Cathay Pacific，其實係有兩種意思，Cathay一字係代表咗中國嘅古老名字（有人話係契丹嘅意思），而Pacific 就係指太平洋，因為Roy Farrell預料呢間航空公司嘅飛機，終有一天會飛越太平洋。而「國泰」呢個中文名，就有國泰民安嘅意思。結果，响國泰成立30年內，真係開通咗由亞洲飛往美洲嘅服務，實現咗飛越太平洋呢個目標。

原圖嚟自網絡