嘩嘩嘩！中國同印度又因邊界爭議關係再次緊張，內地媒體就報道話衝突造成解放軍有死有傷。其實印度立國後，佢哋同中國就住邊界一直都存在爭議，仲發生過衝突添。

早响1953年開始，印度已經不斷响中印邊境進行武裝挑釁，响1959年《人民日報》發表了題為《是可忍，孰不可忍》社論，警告印度如果再搞搞震，就會進行還擊。到咗响1962年6月，中印之間就發生軍事衝突，稱為中印戰爭。呢場戰爭响西段同東段同時進行，為期一個月左右。當時中國分別响新疆同西藏兵分兩路進軍有爭議嘅藏南地區，戰事維持咗一個月左右，印度軍西綫、東綫都俾中國軍隊打敗。不過，中國方面打贏印度之後又無條件退兵，原本收復返有權爭議嘅9萬平方公里領土就咁放棄咗，呢場戰爭就咁結束咗。

所以後嚟有人就話响中印戰爭中，中國只係想叫印度唔好亂嚟，亦稱呢場仗為自衛反擊戰。有意見認為中國撤軍受限於補給問題，亦有意見認為係美蘇插手令中國退軍。

原圖嚟自網絡